Grannie Kiddie
其實係賣咩㗎？

現時主要售賣二手/古著和復古物品為主。

另外亦有售賣自家制手作飾物，例如手繪港式地磚配飾、復古耳環等。

仲有！就係環保餐具喇～例如竹飲管、不鏽鋼飲管、竹牙刷等等。

務求提供多一個環保生活模式俾大家！

你地嘅古著
係喺邊度黎架？

我地嘅古著來自世界各地，日本、台灣、韓國、泰國、加拿大等等。每件古著只要係靚嘅古著，我地就會忍唔住入手😍

點解叫做 grannie kiddie？

因為店主本身好迷戀 grannie style 👵🏻  而且好歡喜阿嬤年代嘅一事一物，無論係時裝、物件，甚理當年屋邨嘅地磚等等。不過⋯⋯其實店主並唔係一個阿嬤，其實同你地差唔多啫⋯⋯所以～就叫做 grannie kiddie 喇！

揀啱之後要點樣落單？

1. 揀啱放到購物籃再check out!

2. 揀選你想要嘅取貨方式：
   A.飾品 / 環保產品：
   平郵$10，掛號另加＄15
   B.古著：
   順豐站自取到付 $20 

3. 如要銀行入數 / PayMe過數請 pm，我地會 send 個入數 / PayMe 資料俾你

4. 煩請3日內過數並影個底單俾 grannie kiddie 確認

5. 成功過數後會盡快安排寄貨 / 交收

6. 多謝幫襯👵🏻👧🏻

唔啱可唔可以退貨？

唔啱身的話我地係不設退貨的，所以請度清來再下單，有困難的話可以pm我地。

​

一般有小瑕疵嘅我地都會盡量收補，始終每件衣服都有老的價值。希望大家都能夠接受二手 / 古著，如有嚴重嘅破損而我地忽略咗嘅，請於收貨後三天內找我們。

​

不然的話，其他情況都不設退貨。
​娘娘的說一句: grannie kiddie保留最後決定權利啦～

二手衫/古著咪好污糟囉？

店館內的服飾都經過悉心處理，包括清洗、收補等等，希望大家都可以放心支持古著和二手衣服，俾佢地一次重生嘅機會，成為您的至寶。 畢竟佢地都可能飽歷風霜，如果有啲使用過或小瑕疵，請唔好見怪，始終都係它的過去呀！ ​

p.s. 有時成衣仲污糟呀⋯⋯😏